HISTORIA
Atu hasoru dezafius mundu globalizasaun ho mudansa ba siensia teknolojia iha merkadu global presija rekursu humanus ne'ebe aprende iha ensinu sekundaria ne'ebe sai peritus,professional iha quantidade ne'ebe barak.
Peritus sira ne'e presija tebes iha area produsaun, industria, telekomunikasaun, negosio, edukasaun ho seluk-seluk tan. Tamba ida ne'e edukasaun iha area teknika importante tebes sira obrigatoriomente atu hafoun ka update siensia no halo adaptasaun ba teknologia foun ne'ebe buras loron ho maka'as tebes ne'ebe moderno ho inovasaun iha mundu tomak. Ho ida ne'e seitor edukasaun sai hanesan seitor ne'ebe vital ho estrategia no hamoris rekursu ema ida-idak iha kontekstu "Investimento Capital Humano".
Minimu rekursu humano iha Nasaun oi-oin bele resolve liu husi maximiza no dezemvolve seitor edukasaun espesifiku ba nasaun dezemvolvido hanesan ita nia rai doben Timor-Leste. Tamba ida ne'e maka loke Eskola Tecnica Informatica ba ema Timor-Leste oan tomak iha nivel sekundaria atu nune'e bele compete tama ba merkadu de servisu no mos atu bele kontinua ba nivel superior mesmu iha rai-laran no mos iha rai liur. Relasiona ho mehi ki'ik ida ne'e hanesan reasaun no kontribuisaun positiva ba prosesu dezemvolvimento, no partisipasaun ema Timor Oan iha dezemvolvimento nia nasaun rasik ka ho prinsipiu katak : "Timor oan sai duni na'in ba nia rai ne'e rasik". Liu husi prinsipiu sira iha leten, maka Fundasaun Klibur Mata Dalan ba Cooperativa no Fila Liman (Sr. Abel da Costa Ximenes) loke Eskola Tecnica Informatica hala'o nia atividade inskrisaun estudante foun iha loron 5 Novembro tinan 2009 iha Rua No.6 de Setembro, Nu'u Badak Akadiru-Hun, Sub-Distrito Nain Feto Distrito Dili, Timor-Leste. Prosesu akreditasaun sei lao hela no relasiona ho ida ne'e Eskola Tecnica Informatica halo nia inagurasaun iha loron 30 Fulan Abril Tinan 2010 husi Dr. Jose Luis Gutteres ne'ebe assume kargu hanesan Primeiro Vice-Primeiro Ministro RDTL ho Dr. Paul Assis Belo assume kargu hanesan Vice-Ministru Edukasaun ne'ebe deside loron 30 Fulan Abril Tinan 2010 hanesan loron moris Escola Tecnica Informatica nian.
MISSAUN
Hasa'e kualidade rekursu humanu ema Timor-Leste oan atu sai badinas, professional no kultural iha aspetu oi-oin, hodi tuir no partisipa dezemvolve moris ekonomia no estabilidade ba povo nia moris iha ukun rasik-an iha era globalizasaun ida ne'e.
VIZAUN
Habelar-an hodi tuir mudansa saida de'it ne'ebe Timor-Leste iha hanesan seitor Eduksaun, teknologia, ekonmia no mos seitor politika ho governasaun. Tamba iha prinsipiu katak dinamika ne'ebe relevante ho moris nudar nasaun nian no nesisidade ne'ebe importante liu para atu hatene.
OBJETIVU
- Hasae kualidade rekursu humanu ema Timor oan liu-liu ba ema iha Departamentu Informatika no Ekonomika ho Programa ida departamentu informatiku maka hanesan Tecnico Multimedia (Jurusan Multimedia), Linguagem de Programasaun (Jurusan Rekayasa Perangkat Lunak/Sooftware) no Tecnico da Rede Computador (Jurusan Jaringan Komputer/hardware) no departamentu ekonomia mak hanesan Contabilidade no Comercio.
- Atu fasilita hodi bele hetan servisu no bele kontinua ba nivel ensinu superior.
Sem comentários:
Enviar um comentário